巨型黃色橡皮鴨再臨香港成為全城焦點，「大馬女神」林明禎近日亦一身浴袍打扮現身昂坪360，與幾千隻鴨仔合照。
她說︰「10年前，我仲未嚟到香港，所以呢日係第一次睇鴨仔，聽到有幾千隻橡皮鴨喺呢度，好開心有機會嚟到『打卡』。呢對橡皮鴨陪咗我成日啦，去咗唔同嘅地方『打卡』，仲帶咗佢地搭主題纜車同喺大浴缸浸浴，成個浴缸都係鴨仔，成功幫佢地搵番啲『朋友』。好開心可以再嚟呢度工作，好似返咗去好親切嘅地方。今次天氣好好，原來呢度四季嘅風景都不一樣，大佛真係好靚。」
明禎自言很需要「Me Time」，要流汗才有紓壓感覺。她說︰「平時早起我一定會做瑜伽，出一身汗就去浸泡泡浴，呢個係我解壓嘅最好方法。其實我屋企唔係好多公仔，但廚房嘅用具就係橡皮鴨，每次入廚都有好溫馨嘅感覺。我好想帶橡皮鴨返去馬來西亞，送畀屋企人，尤其係我侄女，我諗佢哋應該會超級鍾意。」
