姜皓文以偵探造型，化身「定價揸Fit人」為競爭事務委員會拍攝最新電視廣告，廣告昨晚（14晚）首播。電視廣告由《手捲煙》導演陳健朗執導，以豐富電影感敘述競爭條例信息。內容大概指出供應商劃一零售價格，可會能損害消費者利益，有機會會觸犯競爭條例，定價應交由分銷商決定。
姜皓文以有趣的「定價揸Fit人」偵探身分現身廣告，他說：「今次以一個偵探造型拍攝，追查一啲唔公平嘅交易。呢個廣告係想話畀大家聽公平競爭條例信息，一個供應商係唔可以干涉其他分銷商轉售貨品的價格。我平時買嘢都會格價，巿面上唔同地方買一樣產品，會有唔同價錢，好處係市民可以用一個好平嘅價錢，買到一啲自己想買嘅嘢。」
今次與《手捲煙》導演陳健朗合作，姜皓文透露，之前有看過對方作品，拍攝今次廣告前亦有傾過，姜皓文讚陳健朗拍攝手法，他說：「今次我哋用電影方式去拍攝，能夠營造氣氛，我覺得幾得意，亦好呢個故事氣氛。同陳健朗導演合作係開心，我哋有傾過未來有合作機會。」
