無綫劇集《隱門》昨晚（22日）一集講述心月（黃智雯飾）細佬逸風（阮浩棕飾）離奇捲入殺人案，葉嘯天（吳岱融飾）見逸風與波波（吳沚默飾）不和，拉攏二人飲和頭酒，其間波波因吸食毒品情緒高漲欲生擒逸風，逸風激烈反抗。翌日，波波被發現死在牀上，逸風成最大嫌疑人。
吳沚默談及劇中的牀戲時說︰「我同阮浩棕好Friend，佢算係我訓練班師弟，之前又合作得好開心，所以今次拍呢場戲冇尷尬，反而好多笑料。好似有幕我要解開佢條皮帶，但解極都解唔開；同埋有幕佢要將啲毒品灑落我塊臉，但佢又打唔開包嘢，而我又要好High咁係咁喺度叫，所以係搞笑多過尷尬。」
《隱門》快將進入結局周，仍不乏輕鬆搞笑情節。Madam Yeung（湯洛雯飾）在昨晚一集得悉子喬（陳展鵬飾）與前度Emma（貝安琪飾）復合無望十分開心，湯洛雯在這場戲中做出連串萌爆「十月芥菜式」暗爽表情，演技獲網民平反，稱讚她有喜感。無綫官網上載NG花絮片，湯洛雯除了經常走音、忘詞引爆連番笑話外，更在鏡頭面前忽然跳舞或鬼馬放電。
