赤鱲角機場今日凌晨近1時發生懷疑飛機爆胎意外，國泰一班由香港前往美國洛杉磯的CX880航班，由停機坪駛往機場跑道途中，其中一個飛機輪懷疑過熱爆胎，機長緊急煞停航機，機艙逃生門被打開，逃生滑梯降下，最少18人受傷。李施嬅原來是這航班的乘客之一，她在社交平台上載機上乘客離開機艙、在機場內等候的片段，回家後又拍片報平安。
她說︰「我平安返到屋企喇，報過平安先﹗今晚真係好驚險，我係第一次喺個跑道，飛機好高速時突然煞停，啲嘢跌晒，個個都好驚。空姐、機長話要疏散時，大家都好緊張，大嗌，好混亂，我都震晒，好驚。跟住嗰啲瀡滑梯又即刻彈出嚟，啲人損晒﹗好感恩機長喺我哋起飛之前嗰一刻覺得有問題，就即刻煞停冇起飛，如果起飛咗可能仲麻煩，所以我好感恩。雖然係幾驚嘅一件事，但大家都平安無事，非常之感恩﹗辛苦晒所有工作人員、空姐、飛機師，起碼大家都平安冇事，唔飛住都唔緊要﹗」
