無綫《中年好聲音2》昨天（24日）進行第2輪海選，除了鄧兆尊弟弟鄧兆榮、孫耀威妹妹孫美賢、1993年亞姐蔡美蘭、曾參加《全民造星III》的姜珈欣等，「靚聲王」張偉文的經理人方俊亦有現身參與面試。海選評審之一的肥媽去年曾捲入張偉文坐輪椅開騷的是非當中，有指演唱會現場一位好有「分量」又聲大大的女歌星，以「慘不忍睹」形容坐住輪椅上唱歌的張偉文，成為嫌疑者的肥媽隨後否認。
《中年2》的海選上，肥媽見到方俊出場時即說︰「你都好有舞台經驗，我見過你好多次﹗」她又對同是評審的張佳添說︰「你哋對呢個娛樂界真係冇我咁叻，佢（方俊）係張偉文經理人，同張偉文開過好多次演唱會。你（方俊）個老師張偉文教得你幾好呀﹗」方俊唱出譚詠麟的《愛的根源》，唱完後獲肥媽讚唱得好，但說看得出他有壓力，唱歌時周圍望，卻不敢望評判。
評審之一的周國豐請方俊代問候張偉文，肥媽聞言道︰「係呀，問候佢。」方俊指張偉文雖然記憶力差少少，但身體OK，大家可以放心。肥媽說︰「唔緊要，有你睇住佢。你幫我哋祝福佢，代我哋問候佢。」
