全新風水命理節目《數你條命》昨晚（28日）一集主題是「黑仔有得計」，嘉賓有林穎彤（Bella）、歌手小肥、兩位J2er倪嘉雯（Carmen）及馮子亮（Liam）。
靈魂談判師Depp今集繼續用「生命密碼公式」，計出小肥命途波折多變動。師傅指小肥生命密碼包含多變浮動的「五鬼」，幸同時有「天醫」平衡，故能得貴人扶持。小肥聽畢指剛入行，已經歷大變動︰「嗰時簽畀Paco（黃柏高）做經理人，一簽約公司震咗一震、改名換老闆，再震一震Paco去埋第二間（公司），我跟過去。」
之後小肥按主持要求寫下最「黑仔」歲數，結果寫出來的答案與師傅計算出來的亦算接近，對此小肥說︰「33歲時做新人，啲歌開始有人識時，遇正公司變動，有諗過唔做。42（歲）嗰年係我人生最低谷，同拍拖10年嘅另一半分手，頹廢咗大半年。」師傅即指與「五鬼」磁場有關。
至於被批中17歲半時有桃花劫的Bella，透露曾於演出舞台劇時遇上白袍女鬼：「當時我係一路唱一路做，佢就企喺前面，白色袍，完全黑色長頭髮，我當然好驚，但感覺唔恐怖嘅，佢好平靜好乾淨，我第二日就即刻做番啲拜神嘢。」師傅聽畢遂指「五鬼」磁場，容易吸引靈體，但憑正能量可以化解。
