薛家燕今日（8日）到將軍澳為代言的廚具宣傳，她以粉紅花花造型亮相好嬌俏，安德尊擔任活動司儀，兩人合作示範壓力煲煮食。她說：「我好鍾意入廚，以前唔得閒就少入廚房，因為舊嗰啲廚具又重又大件，您睇我隻手咁幼，真係拎唔到。」她稱現在的廚具更輕巧，設計符合人工力學，但自己仍然少入廚房，因為新抱幫手煮，不用她動手。問家燕姐是否有更多時間湊孫？她笑說自己不是湊孫，只是玩孫。
家燕姐於活動後受訪，她大讚新抱是廚藝高手：「佢好鍾意煮嘢食，所以孫仔都會一齊整，有時整吓蛋糕嗰啲。我就多數煲養生湯水，最拿手就係蒸魚，啲肉好似我啲皮膚咁滑，孫仔都有一齊食，不過太鹹嗰啲就唔得。」問她「好朋友」A君有否試她的廚藝？她自爆曾整心型蛋糕給對方，未食都心甜。
家燕姐又為安德尊送驚喜，給他大利市，說：「係時候要結婚啦，你份人情我都準備好，好大份㗎！」安德尊被家燕姐催婚，說一切聽從對方的說話。問他是否有好消息公布？他稱屆時再通知大家。
