MIRROR成員呂爵安（Edan）今天（9日）在Instagram貼出幾張被蚊針到眼腫的照片，話說昨晚他臨睡前發現有隻「蚊大哥」想陪他睡覺，而Edan本人還自嘲好廢，不敢打蚊：「所以只能嘗試用『打開房門邀請佢出去之術』，結果話俾我知我道行未夠高，應該要再修行多幾年先得。」
Edan表示睡覺時已感覺到手腳痕癢：「當時心入面只係諗住『咬還咬千祈唔好咬我隻眼』，希望用念力可以傳遞到呢個訊息俾『蚊大哥』，但可能我唔夠誠心，導致溝通上出現咗誤會，而家睇嚟，佢應該以為我求佢咬我隻眼。所以尋晚瞓瞓下已經feel到隻眼腫咗，心入面已經想問候下『蚊大哥』嘅親朋戚友，最後我選擇咗用『我行返出廳引你出房然後立刻衝返入房閂房門之術』，終於保得住我另一隻眼。」
Edan表示整個過程沒有動過殺念：「（其實有一下，係唔夠膽），希望大家都可以向我學習，抱住慈悲為懷嘅心腸去面對所有事情，阿彌陀佛。」Edan還抱怨為何他身上總發生這些事，他只想好好睡覺，他表示其間曾找蚊怕水，但最後找不到，一起牀還被妹妹恥笑，搞到他霸氣盡失：「今日點見人？」
