譚偉權再做「脫無者」心有不甘 想當年:早知趁後生燃燒吓先 (17:56)

文章日期:2023年07月16日

現年54歲的譚偉權(Gary哥哥)早前宣布成為「脫無者」跟TVB約滿後離巢,這是他第二次離開TVB。Gary哥哥出道32年,曾是《閃電傳真機》的主持,他又參與不少劇集拍攝,同時是舞台劇演員。他接受商業一台《星光背後》主持梁泰來訪問,憶述他再次離巢TVB回復自由身的感受,以及演藝路上努力追夢,以正面心態面對人生高低的經歷。

他離開TVB的主要原因是不甘心被定型:「我會預視到自己將來嘅路怎樣走,我都咁上下年紀都仲俾人話我童顏!」當年他在演藝學院與話劇團時也因為童顏而經常被指派做

「口靚」仔角色,最後亦因不甘心被定型而離開。提起當年他的「男一」夢,說:「少少心淡就一定有㗎啦,但我又覺得呢個世界係圓嘅,王心慰監製都好惜我,佢都話如果日後有角色啱玩都會搵我返去做。」

譚偉權同屆演藝同學包括李婉華、劉玉翠、陳錦鴻等,他承認畢業後曾獲寶麗金邀約出碟兼獲多間電視台招手,但最後聽從老師意見加入香港話劇團。若然有機會回到當年,他坦言不會再走舊路:「咁就唔會啦!我會真係進入娛樂圈打滾!趁後生要燃燒吓先!因為事實證明咗,你做幾年職業劇團再入娛樂圈係唔得嘅。」到1994年有份演出舞台劇及電影《我和春天有個約會》後再選擇首次加入了TVB的原因,他說:「嗰陣就覺得機會嚟啦!有人向我招手,所以我就去啦,點知原來一入到去係做兒童節目。」原來當年的節目監製覺得他適合而被邀參與兒童節目,譚偉權亦只好無奈接受:「嗰陣公司游說我以前好多前輩好似周星馳、梁朝偉都係兒童組出身,所以話我兒童組呢條路就啱㗎啦!之後發現原來入咗兒童組係唔可以接劇,梗有少少唔開心啦!」

演藝路上譚偉權雖然未見一帆風順,但在人生路上,他在兒童節目結識太太顏菁葦是他人生最大得著。太太在譚偉權首次決定離巢時亦給予很大支持:「佢好支持我,因為佢都曾經係呢個圈子嘅人。但係好搞笑㗎!佢曾經問過我點解唔早啲第二次回巢,隨時個地位同成績已經唔同咗,咁就得咗㗎啦!」談到未來目標,譚偉權希望目前專注音樂劇,盼更多人認識自己的演出,將來有沒有機會拍劇隨緣就好。

(即時娛樂)

相關字詞﹕譚偉權 Gary哥哥