《造星V》決賽|Lyman粉絲應援團人強馬壯 (19:57)

文章日期:2023年07月16日

《全民造星V》總決賽今晚(16日)舉行,9位參賽者王鋒、黃家灝(KC)﹑香胤宅(Lyman)、盧信宥(Ash)﹑詹仕偉(Snoopy)﹑田曜誠(Tsoul)、陳鎮亨(亨仔)、王希晉(希晉)及黃泓祖(Taco)的粉絲,各出奇謀為自己喜歡的偶像應援,當中以大熱門Lyman(香胤宅)的粉絲應援團最人強馬壯。

《造星V》20強的Carson(李嘉俊)曾跟Tomy(何家銘)一組,早前Tomy在直播中曾爆料指有《造星V》參賽者借租酒店賺錢,Carson表示曾聽過此事,他說:「我見佢有出片,喺片中有提呢件事,但我唔係幾清楚呢件事。(有沒有聽聞是誰?)唔係幾清楚,知有呢件事,睇佢條片咁講,我冇主動去問。(參賽者這樣做法不對?)我會覺得有生意頭腦,但啱唔啱呢,我唔係件事入面嘅人,又唔係受害者,我唔方便評論,只知有呢件事。(今日跟其他淘汰者跳舞?是否齊人?)以我所知,應該唔齊人。(阿澤及白水有沒有來?)我見佢哋喺度。(你自己參賽時有沒有經歷不開心?)一路都冇問題,so far都好正面。」

(即時娛樂)

 

相關字詞﹕全民造星V 香胤宅