ViuTV《全民造星V》總決賽今晚（16日）在九展舉行，師兄吳保錡及P1X3L成員George擔任客席主持，在後台直擊。2人拉着參賽者之一陳鎮亨（亨仔）訪問，亨仔說：「都幾緊張，將一次最炸嘅表演畀大家睇。（有沒有信心？）信心係有，有信心完成成個item。（如果入到ViuTV想拍什麼節目？）未諗，但好想同兩位師兄一齊拍嘢，見大家咁搞笑。」此時George搞笑說：「冇得揀嘅，其實你簽咗，乜嘢都要做。」全場爆笑。亨仔再說：「希望ViuTV簽我啦﹗」
主持強尼在比賽前跟5位評判Chit Chat，強尼問謝安琪（Kay）有沒有興趣擔任下屆《全民造星》導師，Kay聞言嘩一聲，並說：「聽下啲聲先，反應都幾好。」總顧問花姐（黃慧君）要現場觀眾讚她靚，強尼即笑花姐：「你變咗，變得輕浮，好多人話冇咗你鬧，好似爭啲咁。」花姐聞言說：「你哋係咪變態㗎？」
