楊洛婷撇低老公 偕仔女及媽咪三代同堂遊迪拜 (19:52)

文章日期:2023年07月25日

楊洛婷近日撇低老公Dear Jane主音Tim,帶仔女Tristan和Tanya,以及由溫哥華返港過暑假的媽咪,一齊暢遊迪拜,三代同堂度開心暑假,楊洛婷說:「好抱歉今次旅行又拋低咗Daddy Tim,因為佢實在太忙喇,唯有下次再同佢去玩啦。」

楊洛婷憶起之前跟小朋友旅行,都是自由行:「所有嘢我一腳踢,試過flight delay(航班延誤)、唔見行李、唔見BB車,諗番起都仲有啲驚,今次我決定跟旅行團去親子遊迪拜,等專業嘅旅行社幫我哋安排酒店行程,輕鬆出發。今次係我哋第一次去迪拜,喺短短一星期就玩盡咗好多個唔同嘅景點,每個地方都充滿驚喜!我媽咪好cute,回港前刻意努力減肥,叫我幫佢喺杜拜影多啲靚相,今次我Pack咗好多matching靚衫同泳衣,幫小朋友同媽咪扮靚,啲相片同片段效果我哋好滿意。」

楊洛婷表示一對仔女在迪拜玩得盡興,除了玩機動遊戲,又可以接觸小動物,是難忘體驗,她又表示屋企本身是回教徒,今次有機會跟小朋友去回教廟,仔女還穿上伊斯蘭教服飾,別具意義。

(即時娛樂)

相關字詞﹕楊洛婷 迪拜