《大笪地唱不停》逢周日晚9點播映，第一季《中年好聲音》唱將周吉佩、李佳、羅啟豪、龍婷、顏志恒、吳大強及支嚳儀等，遊走深水埗區、東區等巡迴演唱。
周日（30日）播出一集演唱地點是黃大仙區，演出陣容有周吉佩（吉吉）、李佳、羅啟豪、龍婷、顏志恒、吳大強、鮑聖光、丁文俊、魏嘉信和曹敏寶，嘉賓則有譚嘉儀和Janees（黃洛妍）。一班好聲音在節目中細訴與黃大仙的淵源，吳大強說：「講起黃大仙好多人會諗起黃大仙祠，但對我嚟講係諗起啟德遊樂場，我細個成日去玩，我頭先都行咗一轉！」
對於吉吉來說，黃大仙原來是他的音樂夢起點，他說：「黃大仙係我樂隊（sp'ACE）起點，有一日我打畀當時隊Band嘅鼓手，約咗去黃大仙下邨，佢落咗嚟同我一齊傾人生目標，我哋細個時許下承諾，就係點都好，都想出一張唱片，成件事好熱血。」
兩對最佳拍檔龍婷和丁文俊、李佳和羅啟豪今集分別獻唱《天龍八部》的主題曲《萬水千山縱橫》和片尾曲《倆忘煙水裡》。至於首度現身《大笪地》的曹敏寶，一出場就用Rap方式唱出新蒲崗的特色街名：「大有、雙喜、三祝、四美、五芳、六合、七寶、八達！」炒熱全場氣氛。
