陳慧琳（Kelly）與香港網絡歌手星星兔合唱新歌《THE DAY WHEN WE FALL IN LOVE》，今天（7日）在尖沙嘴舉行MV首映禮，分別播出廣東話版本全首及日語版本精華MV，MV耗資過百萬。
Kelly於MV海報中的造型，性感得如真空上陣，星星兔曾擔心Kelly不肯穿，Kelly的服裝已佔很多製作費，Kelly強調是錯覺，她說：「係個Bra嚟嘅，星星兔安排我先敢做，知佢只想呈現型嘅一面，而唔係猥瑣，接受到，型同靚就OK，再多就唔好睇，其實咩都睇唔到，最鍾意呢啲，冇蝕底到。」Kelly表示為了配合MV造型，更不惜剪髮重現多年前與梅艷芳合唱的髮型。
Kelly透露原定為這首歌錄音時，因遇車禍而延遲，她說：「記得點解把聲響度都錄唔到，因為隻眼腫到睇唔到歌詞，又驚爆線唔敢擘大個口唱，所以延遲2個月，不過錄時都未好番晒，問過醫生唔太大動作就OK。」問相隔10多年再唱日文歌感覺如果？她說：「都handle到，因為延遲2個月冇嘢做，就睇熟歌詞練爆佢。」星星兔亦大讚Kelly好勁，4小時就完全錄好。
