楊安妮追星成功勁興奮 邀偶像張紋嘉跳舞:HotCha世一 (15:04)

文章日期:2023年08月08日

楊安妮(Win Win)首支個人派台歌《SENSEI》已經推出,她在社交平台貼出和圈中朋友跳舞片段,包括肥仔﹑男友KC(黃家灝)﹑許寶恆﹑歐鎮灝等,而令她最高興是邀來求學時的偶像﹑前女子組合HotCha成員Crtsyal(張紋嘉)一齊跳。

Win Win寫道:「一段關於我童年回憶嘅Reels,話說我初中嘅時候追HOTCHA追到癲咗,每個活動都會出!會尖叫,每本hotcha封面嘅《YES!》都會買!日日喺屋企播住佢哋嘅歌跳唱。(真係瘋狂粉絲)我而家終於追星成功了!!!😂💓(唔敢相信)P.S. 咁啱我第一次去HOTCHA嘅活動就係九展,好記得係簽唱會嚟!咁多年後追星成功,竟然都係九展,所以呢個世界真係好神奇。

事源係上星期 @herman_to諗住比surprise我,拍完節目Cut機個下,Qui(張紋嘉)走埋嚟個下,我以為邊個易容扮呀qui,嚇到我心臟停頓咗一秒,以為自己眼花,完全唔敢相信!多謝你 @quicheung(張紋嘉),呢一段Reels對我好大意義!咁多年後,都要講一句『HOTCHA世一!』」。

(即時娛樂)

相關字詞﹕楊安妮 張紋嘉