由周嘉洛和林夏薇合演的劇集《寵愛Pet Pet》，昨晚（7日）播出一集最大驚喜位，是陳瀅帶同愛犬Kumo驚喜客串！由於陳瀅、周嘉洛在《痞子殿下》飾演的「阿四蠻儀」CP相當入屋，即使陳瀅只在《寵》閃現數秒，網民亦大感驚喜。
談到陳瀅客串，監製Andy透露：「佢知道我拍《寵愛》之後，就一直好想自己嘅愛犬有份出鏡，嗰時佢又開緊第2部劇，最後諗到喺呢場戲，安排佢做一個客人，滿足佢嘅心願。」觀乎花絮片段，Kumo非常黐嘉洛，嘉洛將Kumo放在膊頭上跳舞，其他演員見嘉洛同Kumo相當老友時，也不禁說：「點解隻隻（動物）都咁鍾意你嘅？」當日除了陳瀅，正值拍攝《靈戲逼人》的張振朗亦到場探班，更以「曲行雲」造型現身。
劇情方面，汪聲仁（周嘉洛飾）與金惠婷Paula（林夏薇飾）朝夕相對，阿仁慢慢對Paula產生愛意，更借Buddy冬甩（金毛尋回犬Romeo飾）試探Paula口風。正所謂情人眼裏出西施，在阿仁眼中，Paula無時無刻散發女神光。昨晚黃子恆飾演的大律師羅定風登場，之後他會開行Turbo追求Paula，令阿仁打翻醋埕爆出連場笑料！
