ViuTV全節目《全星暑假─P1X3L 5G上台計劃》 昨晚（15日）播出的一集，梁祖堯驚喜現身與一眾主持挑戰各種任務，更趁機開解他們的心結。
一向活潑開朗的George（歐鎮灝）直率地剖白感受：「有時喺社交平台出完Post之後，都擔心會唔會連累咗成員呢？會唔會因為我呢個Post，而令到佢哋失去咗某啲嘢？有時候都會因為咁樣而自己唔開心。」在旁的Phoebus（吳啟洋）聞言十分有義氣：「有時就係知佢會咁諗，所以講好咗，你一句聲，我哋就一齊出，我哋係一條心嘅！」
George表示希望P1X3L可以繼續發展：「因為我哋經歷嘅嘢同其他人唔同，有好多感情係入面。我唔係話想P1X3L好紅，但係想P1X3L可以留低啲嘢，畀呢個年代嘅人。」阿祖稱讚George內裏十分可靠，主持之間的真誠對話，令全場都聽到眼濕濕。
