MC張天賦和Dear Jane昨晚（19日）在亞博舉行拉闊音樂會，MC邀來同門女歌手Kiri T合唱《世一》，不過Kiri演唱期間明顯走音，事後被MC及Dear Jane主音Tim嘲笑，2人更輪住模仿Kiri走音，相當抵死﹗Kiri亦在Ig限時動態貼出有關片段，並以英文留言："Might delete later：is this the end of my career"，接着Kiri影合照時，MC仍然大笑中。
MC事後在Ig限時動態也留言：「好坦白講我喺台到第一下好擔心會影響你之後心情或者表演，但估唔到你肯放開拎出嚟講，咁我唔客氣了，雖然表演可能真係未如理想，但向好嗰邊諗，10年後冇人會記得我唱得好嘅100次《記憶棉》，但會記得走咗音嘅一次，亦係件好開心可以分享嘅事（如果睇開咗嘅話）。」
