身在英國的作詞人黃偉文（Wyman）昨天（9月30日）在社交平台上載一條聲音片段，片段中的男聲與MIRROR成員姜濤非常相似，幾乎與本尊無異。Wyman說︰「『追月特選』 之把聲似唔似姜濤？A. 零似 B. 五成似 C. 九成似 D. 似咩啫，根本就係姜濤 #到底發生過什麼事 #今晚午夜話你知」
踏入10月1日凌晨，Wyman分享片段，他與聲音片段中該名跟姜濤非常相似的素人齊現身。Wyman說︰「『追月特選』似唔似姜濤？（開估篇） 留意番，我估大家唔難從畫面估到佢喺倫敦邊度返工，但希望大家唔好因為想見吓佢真人聽吓佢把聲係咪真係咁似姜B，而去搵佢打吓卡，因為會騷擾到佢做嘢嘅，就算佢本人唔介意佢老細都可能唔鍾意，除非你真係打算去幫襯佢買吓嘢先好去呀。多謝大家合作。但係望住個樣再聽聲會唔會又覺得冇咁似，其實現場聽係再似啲嘅，似到當時我嚇一嚇，幾想拜託佢唱首歌嚟聽吓呀。」
姜濤留言︰「Omg﹗真係好似... 一模一樣﹗」
