星演歌手洪韻騏（Wincy）、梁樂童（Stephanie）及康志維（Edmond），於剛過去的中秋國慶假期，到荃灣一商場與busking，3人異口同聲表示首次在佳節跟大家一起度過，感到興奮。
3人各自負責1小時表演內容，由選歌到排序都是自己一手包辦，Edmond說：「我通常會先諗咗主題，比如今次我係由《生命》出發，我就會揀啲歌係令到我對生命有所啟發，不過都係輕鬆為主。」
唱歌是3人興趣專長，完全沒難度，Stephanie則說：「對我哋最難係講嘢，歌與歌中間要講啲嘢串連，又要顧及同現場觀眾溝通，我哋3個唔係叻講說話嘅人，呢樣嘢真係要學要經驗，現階段會唱多啲歌，努力用歌聲去感動大家。」
Wincy本來想親自彈琴伴奏，但最近除要返學，也忙於拍攝工作，她笑言：「希望自己嘅表演係完美嘅，想睇我彈琴就要等下次，今次就先專注唱歌。」
