安俊豪首奪冠軍歌興奮 剛自曼谷返港聞槍擊案感難過 (22:23)

文章日期:2023年10月04日

安俊豪早前推出新歌《說好了》邀請袁富華及陳苡臻演出MV,新歌日前奪得「新城勁爆本地榜冠軍歌」,是他入行7年以來首奪冠軍歌。他收到消息時,正身處曼谷與媽媽快閃3日2夜慶祝生日,可謂雙喜臨門,他十分興奮。

對於首奪冠軍歌,安俊豪坦言很驚喜:「一直以嚟,都只係想做好歌曲,希望可以畀大家聽到見到,呢首冠軍歌等咗7年了,好感動,亦都係證明我哋團隊嘅努力,佢哋個個都不辭勞苦咁幫我,好多人同佢哋講叫放棄,但佢哋好多時甚至比我更堅持,所以好多謝我嘅團隊同新城電台。」

他收到消息時正於曼谷為媽媽慶祝生日,他說:「我經理人講我知嘅時候,我即刻同媽咪講,佢話係最好嘅生日禮物。泰國最出名芒果糯米飯,特別獎勵自己食芒果糯米飯慶功。」

曼谷昨日發生槍擊案,已回港的安俊豪有留意新聞,對事件感到難過。:「自己咁啱今次因為工作,所以只去3日2夜,好彩無遇上槍擊事件,因為我住嘅酒店都係嗰一區。 其實泰國係一個好友善同充滿微笑嘅國家,身為中泰混血兒,聽到呢件事都好難過,唔希望再有呢啲事件發生。」   

(即時娛樂)

相關字詞﹕安俊豪