RubberBand（RB）將於12月24、25、30及31日在九展Star Hall舉行4場《RubberBand
主音繆浩昌（6號）收到4場門票售罄消息後，興奮之餘也感謝大家的支持。他說︰「好多謝大家！銷情咁理想係始料不及，觀眾入場支持我哋每一場演出，都唔係必然嘅事，我哋更加不能怠慢，會做好呢幾個晚上嘅演出。」
再踏Star Hall舞台對RB來說別具意義，6號續說︰「呢幾場演出係我哋再次返到第一次舉辦大型音樂會嘅現場，亦係我哋喺普天同慶嘅日子，同大家一齊玩音樂，一齊唱歌，可一不可再嘅Moment。Star Hall將會改建，今次幾大可能係我哋最後一次喺呢度嘅專場，我哋好想更加多人可以同我哋見證呢件事，幾千人喺同一空間度過難忘嘅時刻，一同享受、體會相聚嘅同時，亦可感受今次演唱會同大碟嘅主題『Juntos』最想帶出嘅意義。再次感謝買飛支持嘅朋友，買唔到嘅，要把握呢次加場嘅機會了！」
對於網上出現大量黃牛飛，6號表示︰「買黃牛飛點都有冒險嘅成分，既然我哋加場，就當然希望大家循正途買飛啦！祝各位好運。」
