林明禎今天（10日）以形象大使身分，到銅鑼灣出席將於11月5日舉行的「莎莎婦女銀袋日」記者招待會，林明禎表示從未入過馬場，期待第一次入馬場，到時會碰運氣，小賭怡情。林明禎表示沒有橫財運，連抽獎都未試過中獎，問她到時會否向馬主攞貼士？她笑說：「要著得靚靚，去攞多啲貼士。」
林明禎今次來港逗留數天，除出席記者會外，還會拍廣告，問她此行拍多少個廣告？她說：「都唔少，衣食住行同打機都有，多多關照。（今年至今拍了多少個廣告？）冇計過，年尾會統計，今年係超級多嘅一年，較去年多一啲，但唔可以驕傲，要繼續努力。」
林明禎透露11月拍電影，但否認是《飯戲攻心2》。日前電影公司宣布《飯戲攻心2》明年上映，但沒有黃子華、張繼聰和及陳湛文，以及林明禎名字，問林明禎可有份參演第2集？她大賣關子，說：「電影公司好保密，唔畀我哋講 。（粉絲說如果沒你演出就不看？）有我就睇10次，冇我嘅話都要睇一次。」
