博愛醫院主辦首個大型戶外慈善音樂會《博愛SO ME SHOW MUSIC》，於11月18日及19日，在安盛 x 竹翠公園舉行，逾30個表演單位參與演出，包括樂隊Dear Jane、馮允謙、MC張天賦、COLLAR、陳蕾、ToNick、岑寧兒、梁釗峰、魏浚笙、洪嘉豪、ANSONBEAN、雲浩影、N9、麗英等，該音樂會收益全數撥捐博愛醫院青少年服務，令音樂會別具意義。
Dear Jane主音Tim表示，難得與其他歌手聚首一堂，似開Party多過音樂會：「其實一直都幾喜歡唱戶外騷，因為大家更加投入，Band仔最享受就係呢啲嘢。今次咩都未排，唔知有冇機會同其他歌手一齊玩，不過做善事冇所謂，大會想我哋點就點，最緊要幫到人！」
馮允謙繼上次沙灘音樂節後，一直對戶外演出「念念不忘」，坦言已積極籌備歌單：「啲Fans一去到戶外騷，就會特別興奮，做表演者覺得好正，不過唱戶外騷最驚就係比人叫除衫，11月應該凍啲，到時著多幾件衫上台，咁就除極都仲有衫，即管放馬過嚟。」
