無綫《請客必食18道菜》將於明晚（23日）及後晚播出第4及第5集，黎耀祥介紹5款星級請客必食名菜，包括由18頭鮑魚炮製的「吉品鮑魚扣遼參」、「魚子醬脆皮花膠乾貝青汁」、「爵士湯」、「藤椒蒸紅瓜子斑」及「私房乾鮑富貴雞」。有「陳皮達人」美譽的黃亞保（保哥）會教煮家庭宴客菜「陳皮雞」，當他表示選用沒骨頭的雞扒可讓一家大細更安心享用時，黎耀祥突然大派高帽︰「嘩，幾細心﹗照顧周到，唔怪得你係新一代師奶殺手！」
除了名菜佳餚，黎耀祥還介紹地道小食。他到西灣河太安樓歎招牌牛雜，又走入鬧市品嘗港式滷味、生滾靚粥、燒賣。黎耀祥一邊落手落腳幫忙包燒賣，一邊聽小食店老闆朱先生訴說「守護燒賣」的故事。朱老闆說：「爸爸過身後，我有段時間好失落，曾經諗過唔做呢間舖頭。不過，有日有位街坊嚟食燒賣，佢話呢粒燒賣有好多佢同已故太太嘅回憶，令我搵到繼續經營嘅理由。守護燒賣嘅同時，亦希望守護呢款地道美食曾經帶畀街坊嘅美好回憶。」
黎耀祥亦分享了他的童年回憶︰「幾歲嗰時，如果屋企得我同媽咪，佢都會帶我去食粥。有時禮拜日，佢會煲一大鍋粥，老竇買啲油炸鬼，一家人食粥。粥對我嚟講係幾有回憶、同幾鍾意嘅美食！」
