無綫處境劇《愛‧回家之開心速遞》的周嘉洛、呂慧儀，今天（24日）以萬聖節打扮出席宣傳活動，周嘉洛表示因凌晨開工，所以沒有剃鬚，索性畫花塊面遮鬚根。問萬聖節可有朋友相約去玩？他說：「萬聖節都冇假放，呢期特別忙，約都冇辦法，要開工，OK嘅，我鍾意開工。」
呂慧儀因聲帶發炎而聲沙，日前與兒子到主題樂園玩更一度失聲，靜到坐過山車及被扮鬼的工作人員嚇都嗌不出，遇到林盛斌還被取笑好靜，要同行的湯盈盈為她任「代言人」。
對於與她傳緋聞的張景淳被發現搭巴士睡覺，有網民懷疑張景淳從呂慧儀寓所離開，而要坐屯門開出的巴士，她說：「佢都係住屯門，但唔算鄰居，有啲距離，覺得藝人好慘，有時好攰瞓着，但被影到又唔好睇，希望大家下次見到唔好影，或者搖醒佢先影，不過佢瞓覺個樣都幾『四正』，Keep得住形象，大家見到我瞓着就唔好影，我驚流口水keep唔到。」
