姜濤現身活動獻唱 甩嘴狂笑仍有歌聲 遭網民質疑咪嘴 (15:03)

文章日期:2023年11月05日

MIRROR成員姜濤昨晚(4日)以壓軸嘉賓身分現身首屆《共創明「Teen」計劃》畢業禮,獻唱《Master Class》及《蒙著嘴說愛你》2首歌。

他跳唱完《Master Class》後上氣唔接下氣地說︰「真係好多謝你哋邀請我參加呢個活動。今日都算係第一次,入行5年以嚟喺一班學生哥面前表演,少少緊張過開演唱會,因為真係好似未試過。我好驚見到你哋,好多人話我仲好後生,但係我真係覺得自己好老。同大家分享吓點解會揀《Master Class》呢首歌,我唔知你哋呢個世代知唔知我哋係邊個,但係都希望可以聽吓我嘅分享,因為呢首歌係我入行以來自己一啲心得。我覺得年輕一輩可以喺追尋自己夢想嘅路途中有多啲突破同創新,唔好畀框框框住自己,同埋都希望大家可以有一個自己對話嘅空間,因為我覺得依家呢個時代好多社交媒體、好多資訊,好快速地流過我哋身邊,希望大家有一啲時間同空間可以留番畀自己同自己溝通,令自己更加清楚想要嘅目標係乜嘢,希望大家可以真心搵到自己想追尋嘅目標。」

姜濤接住獻唱《蒙著嘴說愛你》,他唱出歌曲前笑指這首歌似變成兒歌,但認為這首歌全場觀眾都會識唱。他唱至尾段時,大會安排了4位小朋友上台。向來喜歡小朋友的姜濤見到他們嚇了一跳,隨即蹲下搭住其中一位小朋友的膊頭說「你出咗嚟喇」。當時台上的姜濤說出這句話時,現場仍清楚聽到一把疑是他的歌聲。姜濤繼續不停笑,笑到彎晒腰,完全唱不到下去,但音樂聲仍然有人在唱。事後有網民認為姜濤咪嘴唱歌,結果意外出事;亦有人認為那只是墊底聲。

(即時娛樂)

相關字詞﹕姜濤