關心妍美國慈善巡唱 拒收歌酬 跟粉絲敘舊 感觸爆喊 (16:07)

文章日期:2023年11月07日

關心妍(Jade)日前在美國三藩市舉行2場「SHiNE妍亮福音慈善演唱會」,為天津「和平之君」兒童福利院籌款,所有盈利將用作幫助殘疾孤兒。

Jade美國粉絲齊集紅木城,門票早已售清,而關心妍唱出20多首歌曲,當中不乏金曲,現場反應熱烈:「始終外地做騷,都係靠自己執生解決,同埋今次做慈善要慳家,唔敢搵太多工作人員同行,我同經理人、助手3個人攞住10喼歌衫同行李過關,好彩都習慣一腳踢,自己照顧自己。我覺得最難嘅係適應時差,都早咗成個星期飛嚟做準備,呢個場地都好有歷史,過往都未試過有華人歌手喺度開演唱會,自己都有啲緊張。」 

這次福音演唱會巡迴,Jade自爆婉拒歌酬,為慈善出分力:「歌酬唔係咁緊要嘅,呢個騷目的係幫人,今次做善事之餘,又可以同移民嘅Fans見面敘舊,見到佢哋一家大細嚟支持,感覺好得意,唱唱下我都忍唔住爆喊,喺香港都未試過,成個騷都好有愛,而我哥哥一直都喺芝加哥,今次佢嚟支持我,所以我都叫佢做『芝加亞哥』,佢見慣大場面,梗係捉佢上台唱歌。」

Jade笑言早跟囡囡「講掂數」,承諾下次再邀請對方做「嘉賓」:「佢一直都以為我開演唱會,就有份上台唱嘛,但係佢要返學同考試,要同爸爸留喺香港,唯有下次佢放假做巡迴先帶埋佢。𠵱家晚晚會視像傾偈,好在心心都大個囡,明白媽咪做善事幫人,同埋我出遊可以畀機會爸爸同佢獨處。」

(即時娛樂) 

相關字詞﹕關心妍