Viu Original原創劇《轉角浣紗街》明日（24日）登陸「黃Viu煲劇平台」！劇集監製伍健雄、導演朱鳳嫻，演員楊偲泳（Renci）、吳肇軒、陳穎欣（Yanny）、楊天宇和曾樂彤，今日（23日）現身劇集試映會，為明天首播壯聲威！
《轉角浣紗街》以咖啡店為主題，每集透過一種咖啡，訴說一個戀愛故事。楊偲泳在劇中飾演咖啡店老闆娘Joyce，主打C&F（Coffee & friends）會員制度，為人牽紅線；戲外的她同樣憑《轉角浣紗街》贏得友情：「我拍檔主要係我閨蜜Yanny，佢係個好Funny嘅人，有源源不絕的嘅話題；
至於歡喜冤家吳肇軒，我哋主要都係鬥嘴，因為佢有少少失控，每日活喺爛gag之下！」軒仔聞言說：「我同Renci日日都好無聊，因為佢成日騷擾人，而我就會同佢一齊騷擾其他人，今次拍攝幾好玩。」
作為劇中「分手擔當」，軒仔預告即將「情斷」型男楊天宇：「我幾深刻嘅一場戲，就係我同Angus分手，成件事好詭異，因為係一個男人代替一個女人講分手。」
早前Yanny曾預告會以空姐Look亮相新劇，不少觀眾對她制服造型讚不絕口，Yanny笑言大家識貨，又大讚劇中男友岑珈其戲味十足，令她放心：「好開心終於有機會同珈其演情侶，我哋嘅劇情都幾得意，因為佢嘅角色係一個患有濕疹嘅男仔，然後我用我嘅中醫背景去醫好佢。」不過問到二人是否有親熱戲時，Yanny即大賣關子：「我哋都幾Sweet，建議大家準時收睇《轉角浣紗街》，咁就知道有冇親熱戲喇！」
