馬國明與湯洛雯下月飛外地結婚，攜手踏進人生新階段。婚禮舉行日子臨近，馬國明近日按照傳統進行過大禮儀式。湯洛雯今天（29日）在社交平台上載當日馬國明送到其娘家的大批禮品照片，鮑參翅肚、禮餅多到擺滿廳，湯洛雯站在這些禮品當中頓時變得十分迷你。除了山珍海味，馬國明亦送上大堆金器，包括6對分量十足的龍鳳鈪、每條至少有5隻金豬的兩大條金豬牌頸鏈、金頸鏈、金戒指、金茶具套裝等，非常豪氣﹗
湯洛雯說︰「又一項完成﹗原來過大禮係咁複雜，嗰日係有少少呆咗。不過好多謝馬生嘅疼愛，同各位兄弟姊妹嘅幫手，特別係Ella、湯樂瑤、林子善、黃嘉樂，任務順利完成。啲餅有成四大盤多到食唔晒派唔晒，而且啲盤聽講係傳承落嚟，好意頭好意頭。咁大個女第一次見到好似流星錘咁嘅龍鳳鈪，仲有好多隻豬豬，好靚好壯觀。今次過大禮可以咁順利，真係非常多謝尚囍非常細心同埋妥善嘅安排，負責人Marc亦都係一個開心果，仲特意安排咗一位非常有經驗嘅妗姐幫忙，辛苦你哋啦！」
好友高海寧留言︰「嘩～ 張相裝唔落啦！果然係過大禮！」不少網民亦留言指馬國明「豪啊」、「嘩嘩嘩，好勁呀﹗馬明落重本，娶到靚老婆」。
