薛家燕林盛斌齊跳「花花舞」掀高潮 讚Bob勤力唔怕蝕底 (13:15)

文章日期:2023年12月11日

林盛斌(Bob)主理的《The Bobfather 棟篤笑 2023 澳門站》,日前在澳門倫敦人劇場結束,這亦是Bob林盛斌化身「Bobfather 」的第8站巡演。Bob找來薛家燕(家燕姐)擔任表演嘉賓,全場唱《皆大歡喜》外,2人又跳韓國女團Blackpink的花花舞。

Bob和家燕姐緣起20年前,他第一次有機會在電台負責節目環節《一個好人》,Bob說:「節目去訪問一啲弱勢社群,睇下有冇機會幫到佢哋,家燕姐同台長講我做得好好,畀咗好多信心我、仲畀咗好多機會、好多鼓勵、好多力量我,係我圈中大恩人。」

家燕姐聽後隨即拍拍Bob,直言好欣賞他,因為當年自己只是「得把口」,真正幫老人家搬上搬落是Bob,說:「我好欣賞Bob! 佢做事不但好勤力,仲好實事求是、唔怕辛苦同蝕底,幫到人就去做。」

家燕姐愈講愈興奮,更爆Bob喜歡半夜三更打電話給她,日頭又做,夜晚又做,續說:「佢身兼多職,日頭會sales、廣播、電影,夜晚又不停做...如果唔係點會有咁多個仔女?都唔知邊到有咁多精力!」全場大笑。

另外,Bob在每場巡演中,隨以自身經歷、自嘲以鼓勵大家勇於面對逆境,又加插與觀眾互動,現場競投Bob加持過的「Bob牌」,並由他親手為善眾戴上,誦經時,全場笑聲震天。

(即時娛樂)

相關字詞﹕林盛斌 薛家燕