解放大阪|畏高杜如風玩過山車喪叫 到神社求姻緣:我要好男人 (17:25)

文章日期:2023年12月20日

有「日本旅遊達人」之稱的杜如風(Helen),再度為J2(82台)主持旅遊節目《解風大阪》。今晚(20日)Helen繼續名古屋之旅,目標是樂高(Legoland)主題樂園,積木迷必到朝聖地。

內裏Miniland景點用積木砌出日本各地名勝,如東京鐵塔、清水寺、晴空塔、深齋橋、富士山等應有盡有,造型細緻像真度極高,仿如置身微縮影區。本周一Helen為推高收視,已經出賣「兩點」兼騷長腿,今集Helen再為收視犧牲,無懼畏高決定挑戰樂園內過山車。

雖然樂園服務對象主要是小朋友,但看到一班人玩到咿嘩鬼叫,就知不簡單。Helen右手戴住自拍鏡,被安排坐在車頭,她已感到中伏。經歷一段室內前戲之後,過山車來到室外戲肉部分,在1分多鐘的上高落低、急掟彎車程中,Helen沒有令攝製隊失望,叫足1分多鐘。原本Helen被安排再玩飛行忍者去機動遊戲時,她決定不上陣,就算攝製隊以「淆底獸」、「杜如風垃圾」相稱,Helen依然企硬。

今集另一精彩賣點是一間「出色」的餐廳。Helen甫入店內,已受到店主及女侍應招呼,前一句「快啲躝入去」、後一句「金毛死八婆」,服務態度更是十問九唔應,但難得食物質素不錯。Helen說︰「呢間以鬧人為樂的餐廳,7月先開業,好多日本人爭住食。」

明晚(21日)Helen繼上一輯《解風東京》到神社求籤,成功擊退壞男人,沒有男人埋身後,今輯再接再厲,到若宮八幡社求姻緣。經一事長一智的Helen,今趟單刀直入,在繪馬寫上「我要一個好男人」,相信不會再搞錯。

(即時娛樂)

 

相關字詞﹕解放大阪 杜如風