Twins紅館演唱會終極加場 門票售罄 穿紀念T恤冧粉絲 (16:12)

文章日期:2024年01月12日

Twins本月21月起,在紅館舉行合共14場《TWINS SPIRIT SINCE 2001 LIVE IN HONG KONG》演唱會,而加開終極最後兩場的9成門票公開發售,2小時已售罄,蔡卓妍(阿Sa)和鍾欣潼(阿嬌)聞喜訊感開心,為答謝歌迷支持,率先提早把演唱會紀念T恤穿上身,歌迷一見貨版即大叫:「嘩,撲完飛又要撲衫!好靚呀,唔好限量呀,好驚買唔到。」

Twins最近為演唱會綵排,由早忙到晚,練歌﹑排舞和開會,行程緊湊,每日也過得充實而開心,阿嬌說:「其他工作暫停,𠵱家全力開火都係演唱會排練,本來冇諗住咁早公開紀念品,但今早排練時,聽到咁好消息,兩個鐘售完,真係好感動,啱啱收到個樣版,即刻同阿Sa換上紀念版畀大家睇,係咪好靚?」

阿Sa也說:「係咪好靚?同出面一般Tee唔同㗎,會長身少少,因為我哋覺得長身少少,著起嚟易襯好睇,為咗呢件Tee,我哋T恤版形都改咗幾次,用我哋屋企自己最鍾意T恤版形跟住量度長度。」

問到會否網上優先給歌迷會預訂?Twins說:「冷靜啲,唔止一個款,有好多唔同款,畀時間我哋公布。今次演唱會紀念品有好多唔同品種。」

 

(即時娛樂)

 

相關字詞﹕蔡卓妍 鍾欣潼