台慶頒獎禮‧紅地氈|李施嬅一臉病容現身 自爆發燒:唔知捱唔捱到結尾 (20:08)

文章日期:2024年01月14日

視后大熱門之一的李施嬅,今晚(14日)以一身白色晚裝亮相紅地氈,雖然性感現身,但施嬅似乎面有難色,原來她病倒發燒:「都唔知今晚捱唔捱到頒獎禮結尾,已經食藥,應該工作過勞所以病倒。(大熱門?)唔係,都係阿佘(佘詩曼),期望《新聞女王》攞最佳劇集,有信心。(傳你攞大灣區視后?特登唔去婚禮?)唔關我事,我今晚冇諗過攞獎,連感詞都冇準備,只諗住撐場。(這段時間本身打算結婚?)我都冇時間諗結婚,不過報道出街後,好多人恭喜我,但我完全唔知乜事。(假新聞?)係囉係囉﹗呢幾個月好忙。(搵好多錢?)《新聞女王》效應,好多商演,好忙。(夠錢買樓?)真係搵好多,把握時間再搵多啲錢先。」

(即時娛樂)

相關字詞﹕李施嬅