《萬千星輝頒獎典禮2023》今晚（14日）在澳門舉行，由無綫總經理（節目內容營運曾志偉負責頒發「萬千光輝榮譽大獎」。由新聞部的袁志偉奪得，袁志偉在無綫新聞47年，由記者﹑主播﹑採訪主任到主管等，相當專業，袁志偉說：「出鏡出得多，咁嘅場合未試過，從未諗過新聞部嘅人可以攞呢個獎，我覺得如果頒呢個獎嘅話，唔係頒畀我，我不過因為新聞部幾百人其中一個，頒嘅應該頒畀成個部門，不過我代表成個部門，首先要多謝TVB，唔係客套話，係好重要，一直以來，TVB老闆及最高管理層，從冇干預過新聞部運作，亦冇影響到我哋新聞報道方向及內容，呢一點要真正多謝管理層。」
他續說：「做記者﹑主播﹑採主﹑主管﹑總監，係我第一份工，亦係最後一份工，做咗47年，造就我不一樣人生，我做記者時，遇到8號風球及10號風球，我出去做現場直播，每年團年飯，我都會做花市直播，唔係一般普通人年年都遭遇情况，多謝TVB畀機會我。」
