肥媽、李家鼎（鼎爺）及游嘉欣（游游）主持的飲食節目《肥媽李鼎打大佬》，今晚（17日）播出的第9集主題是「家家有產爭」。人生閱歷豐富的肥媽、鼎爺輪流分享見過的爭產風波，「花生」指數十足。肥媽爆老字號麵檔分家風波是由一個女人而起，慨嘆「妒忌」這兩個字害死人。講到「太公分豬肉」重男輕女，鼎爺分享一宗真人真事：「有個敗家仔，係我徒弟嚟嘅，佢連埋細佬同埋老竇有3棟丁屋，但佢兩晚輸晒。」肥媽認為鼎爺口中的敗家仔屬小兒科︰「我阿公至係超級敗家仔，佢以前喺廣州行都唔使行，要人抬，佢話一晚就輸10幾隻花艇，成條街嘅舖頭輸晒。」
在家中是孻女的游游認同「孻仔拉心肝，孻女拉五臟」︰「屋企人永遠留隻雞髀我食。」育有6名子女的肥媽坦言會幫子女付買樓首期︰「我好簡單，你喺邊度買，我就畀邊度嘅錢。你英國買，我就畀英鎊，我細仔就好慳，佢喺馬來西亞買。」游游問肥媽有否想過將來有回報，肥媽沒好氣地說︰「我放貴利㗎咩？做父母一定要幫自己仔女。」游游揚言將來婚後不會生孩子，原因令肥媽愕然，鼎爺聽後直指她自私。
