官方歌迷會App上架 李幸倪親力親為︰似1日返幾份工 (16:01)

文章日期:2024年01月18日

李幸倪(Gin)日前宣布其官方歌迷會「GLFC」App正式上架,是少有以App形式成立歌迷會的香港歌手。她表示由去年9月開始籌備,10月正式動工,花了近4個月開發程式。Gin說︰「開發一個App至少要半年至1年時間,但今次就用咗好快嘅時間做好。之前有一個小小嘅Soft Launch,未正式同全部人講,今日可以講啦!」她坦言開發這個App是很希望有一個屬於她跟粉絲的平台,凝聚大家的力量,拉近彼此距離,加深認識。

為了這個平台,Gin事事親力親為,除了I.T.部分,連訂貨入貨、會Tee設計、翻譯、校對等工作也落手落腳去做。她表示︰「用咗好多精力同時間,真係好似1日返幾份工,去搞去跟進,總之好誇張,每個字我都要睇過,幫手翻譯,好多想像唔到嘅嘢,希望大家可以感受到我嘅誠意。過去一個月,我屋企好似貨倉,放滿晒大家嘅會Tee、商品、筆記簿等。早前推出嘅利市封賣得七七八八,將來亦會將自己其他設計、喜歡嘅東西同大家分享,而且係限量推出。」

下月農曆年,Gin表示她今年打破多年習慣,年初一便要開工。她說︰「今年大年初一要錄音,因為夾唔到期,所以對我嚟講都係一個好大嘅『犧牲』。新歌會喺農曆年後推出,個人演唱會就會喺明年舉行。」

(即時娛樂)

相關字詞﹕李幸倪