關心妍廣州演唱會爆滿 女兒門票贈哈爾濱南下捧場歌迷 (17:27)

文章日期:2024年01月19日

關心妍(Jade)日前在廣州完成《約》22周年演唱會,全場爆滿,7歲女兒楊榮心更以嘉賓身分現身舞台。這次演唱會原定兩年前、Jade出道20周年時舉行,後來因疫情延期至今。她說︰「廣州係第一站,嚟緊仲有幾站舉行,因為延遲咗兩年,所以都加啲新衫、新歌單畀粉絲補數。今次香港粉絲都組團200人嚟支持,我叫佢哋乘機去吓啲大熱超市潮聖,其中一個粉絲更加喺日本趕番嚟睇騷。」 

Jade久未舉行巡唱,演唱會一票難求,有哈爾濱樂迷南下捧場,抵埗後始發現門票早已售罄。Jade說︰「我都唔知點算好,真係一張飛都冇晒,冇理由我哋自己買黃牛㗎嘛,但見佢咁遠嚟到都要諗吓方法,最終我畀咗囡囡張飛佢。我同心心講佢係嘉賓,要喺後台準備,唔使門票嘅!啲粉絲見到佢好開心,話佢高咗好多,唔知下次開騷佢仲肯唔肯上台唱。」 

Jade透露剛簽約中國SONY,加上女兒已升小學,她有多點時間工作,能利用女兒上學的時間錄新歌。Jade說︰「不過,我同公司講好咗,要跟學校校曆表去安排工作。」 

(即時娛樂)

 

相關字詞﹕關心妍