中年好聲音2|李佳合唱助攻陳俞霏 張佳添讚係定海神針 (19:36)

文章日期:2024年01月19日

無綫歌唱真人騷《中年好聲音2》周日(21日)播出第8部曲第2回《中一生助陣人生之歌!爭入十四強!》,15強「中二生」與「中一生」合唱爭入14強,分組方法是由中一生揀選想合唱的中二生。15組演唱完畢後,留在危險區的中二生將被淘汰。這回合將分成上、下半場進行,上半場出場名單包括吳大強與鄭梓浩合唱《莫再悲》、李佳與陳俞霏合唱《姊妹》、曹敏寶與陳蒨葶合唱《信自己》、龍婷與王玥合唱《夢醒時分》、周吉佩與林若盈合唱《笑忘書》、支嚳儀與安雅希合唱《如願》、顏志恒與顏米羔合唱《幸福之歌》,以及丁文俊與沈宗賢合唱《假使世界原來不像你預期》。

陳俞霏在李佳助攻下,將其招牌「俞Chill風」發揮得淋漓盡致,唱跳之餘還加上親自創作的Rap詞,獲張佳添及周國豐大讚。張佳添說︰「佳佳發揮咗定海神針作用,有李佳喺度,你知道自己做緊啲咩,成首歌睇完好開心。」周國豐則說:「俞霏真係要多謝李佳,李佳出晒名好肯同埋好有能力去幫人,呢首歌其實唔係好適合去比賽,但李佳畀咗你好多自由發揮。」

曹敏寶與陳蒨葶跳唱《信自己》,張佳添笑言:「兩位《聲夢傳奇》學員,你哋係咪入錯廠?嗰種青春活力,我唔相信係《中年好聲音》。10個字送晒畀陳蒨葶,青春、活力、動感、養眼、自信。」肥媽表示:「初初話蒨葶似鄭秀文,NO!你係你自己。」

有「顏志恒2.0」之稱的顏米羔與顏志恒化身Band仔獻唱《幸福之歌》,周國豐說:「呢首歌係能量好高嘅歌,係會唱死人,米羔嘅能量釋放加上志恒嘅配合,成件事好Man。」伍仲衡則說:「米羔把聲好啱唱Band Sound,你把聲好有火同埋有少少反叛,唱呢首歌就好表現到你嘅態度。我要讚一讚顏志恒,你和音進步咗好多,我記得你之前話唔識唱和音㗎喎。」

(即時娛樂)

 

相關字詞﹕中年好聲音2