郭柏妍今天（20日）與蘇韻姿錄影無綫賀年節目時，談到她在新劇《飛常日誌》中開腔唱失戀歌。她說︰「我都驚會嚇親大家，見到有網民叫原唱嘅容祖兒去報警，我會努力練歌藝。」
談到與洪嘉豪的緋聞，她澄清是一場誤會，說現在單身沒拍拖。郭柏妍說︰「我鍾意聽佢唱歌啫，同佢啲歌拍拖。我只係喺街上遇見佢，影咗張相，睇有冇機會做朋友，我諗人哋都未必想。識唱歌嘅男人較吸引？有才華當然較吸引。」
蘇韻姿談到近日頻頻參與綜藝節目時說︰「都係公司安排。綜藝女王？我唔敢當﹗我都驚訝公司安排我做節目主持，我驚第一次主持節目會做得唔好。」蘇韻姿透露將參與新劇《非份之罪》及《黑色月光》，但不知道何時可重返《愛‧回家之開心速遞》。她說︰「睇公司安排，我都好掛住大家。之前丹爺（劉丹）生日，出嚟食飯時好齊人，見到佢哋好Warm。」
