Mike導劉諾衡突宣布休息暫停拍節目 未有復出日期 (21:10)

文章日期:2024年01月20日

「格仔導演」劉諾衡(Mike導)曾為ViuTV拍過多個受歡迎節目,如《花姐ERROR遊》系列、《ERROR自肥企画》、《美女郊遊遊》及《大海男兒》等,去年播出的《無制限探險隊》拍下不少「黃金畫面」,引來觀眾迴響。不過,Mike導昨天(19日)突然在社交平台發文宣布要休息一段日子,未知何時回來。

他說︰「入行第8個年頭:拍過有趣嘅節目、做過無謂嘅製作、建立過有今生無來世嘅牽絆、見識過虛情假意嘅友誼、俾人讚過、俾人鬧過、追過夢、食過屎、笑過、冇喊過、啱過,亦錯過...... 總括而言覺得自己都算幸運,呢7年幾雖然過得唔錯,但無可避免地,任何人堅持做任何事,步入瓶頸係必然嘅。個世界變得好快。環境會變;文化會變;人會變;我會變。我喜歡創作,不過唔知幾時開始,發現熱愛嘅事物單純地變咗做唔想失去嘅事物...... 開始有啲驚,驚有一日唔再鍾意做呢件事。所以,我決定唞唞,未知唞幾耐。假如一段唔知幾長嘅時間過後,世上仲有人會期待睇到我作品嘅話,都係一件幾浪漫嘅事。不過,你要等等,未知等幾耐。つづく﹗」

(即時娛樂)

相關字詞﹕劉諾衡 Mike導