喬寶寶與布偉傑日前為香港許願節2024拍攝宣傳片，除介紹活動亮點外，還大玩「食字Gag」。喬寶寶自言是拋寶碟高手：「其實我以前成日去林村許願樹、其他寺廟參觀，我唔係迷信，而係想了解文化，就要投入落去，所以我好早已經係高手，知道點發力先拋得高。今次拍片要講好多『廣東話』Gag，難唔到我哋喇，我哋係香港人嚟㗎！」
布偉傑呻孤單過節：「以前我哋幾個『鬼佬』過年都會約埋聚吓、見面，不過今年寶寶返咗蘇格蘭同家人團聚，得我自己一個，如果新年冇工開就會好悶，所以今年準備去許願節玩，應節湊熱鬧、攞個好『意頭』！」
