喬寶寶自爆拋寶碟高手 布偉傑拍片玩食字Gag (21:05)

文章日期:2024年01月31日

喬寶寶與布偉傑日前為香港許願節2024拍攝宣傳片,除介紹活動亮點外,還大玩「食字Gag」。喬寶寶自言是拋寶碟高手:「其實我以前成日去林村許願樹、其他寺廟參觀,我唔係迷信,而係想了解文化,就要投入落去,所以我好早已經係高手,知道點發力先拋得高。今次拍片要講好多『廣東話』Gag,難唔到我哋喇,我哋係香港人嚟㗎!」

布偉傑呻孤單過節:「以前我哋幾個『鬼佬』過年都會約埋聚吓、見面,不過今年寶寶返咗蘇格蘭同家人團聚,得我自己一個,如果新年冇工開就會好悶,所以今年準備去許願節玩,應節湊熱鬧、攞個好『意頭』!」

(即時娛樂)

相關字詞﹕喬寶寶 布偉傑