童星出身的黃美棋去年8月在34歲生日前夕，宣布今年跟男友鍾健威（Ray）結婚。兩人日前完成傳統過大禮儀式，現場擺滿大堆鮑參翅肚、禮餅及金器等禮品，包括5對重型「流星錘」龍鳳鈪、鳳冠等，十分搶眼﹗
黃美棋說︰「好感恩過大禮終於完成，Yeah﹗睇住呢一切傳統儀式嘅發生，真係感動到有啲眼濕濕～ 多謝大家為我哋嘅過大禮咁悉心安排，多謝你哋每個人都好惜我，多謝各位猛男兄弟，最緊要多謝鍾生同佢屋企人對我嘅愛護。所有嘅安排、每樣都係我喜歡的... 我爸爸媽媽亦都好滿意你嘅誠意之作。我係細女～哥哥娶咗個日本阿嫂，家姐嫁咗個澳洲姐夫，所以咁大個女真係第一次經歷呢個儀式，大家都笑到四萬咁嘅口，多謝你哋畀咗個專屬嘅經驗我哋，花膠ssss真係超大隻。」
黃美棋表示從小到大也希望戴住鳳冠出嫁，這次終於夢想成真。她最後感激各方幫忙︰「再次感謝大家嘅愛戴，我們準備迎接新的開始，幸運是我們﹗」
