狀王之王|陳楨怡「中醫初體驗」 拍針灸場口險誤拮姚子羚 (13:13)

文章日期:2024年02月06日

無綫劇《狀王之王》昨晚(5日)一集繼續是「幽靈新娘案」,疑似富家千金林惠敏(鄧伊婷飾)屍體被尋獲,由於毁容嚴重,只能靠衣衫辨別身分。林惠敏丈夫湯文武(莫家淦飾)再度成為疑犯被押往審訊,其間爆出林惠敏另有奸夫驚人反轉,奸夫成最新嫌疑人。

另外,宋世傑(王浩信飾)在仵作念珊珊(陳楨怡飾)幫忙下尋求新線索,發現林惠敏曾經生育,令案情再添轉折。今晚(6日)宋世傑為了解開謎底,化身道士向林惠敏屍體作法,到底最終真相是什麼?

昨晚是陳楨怡(Celina)首度登場,她的出現將引發宋世傑太太玲瓏(姚子羚飾)連環打翻醋埕;昨晚玲瓏出手遮掩珊珊胸部,確保宋世傑「非禮勿視」一幕,配以Celina的零怯場及詫異眼神,相當爆笑。

談到劇中造型,Celina坦言洋裝、古裝各有特別,並謂最難忘是經常要隨身攜帶的藥箱:「以前啲藥箱原來成個用實木做,比較重,拍嘅時候可以順便練臂力。」Celina透露為了演得更神似,不但事前做足功課,還看了人生第一次中醫:「我去咗橫店中醫館睇我人生第一次中醫,仲試埋針灸,我之前未試過,因為本身驚針。因為我拍劇都有施針嘅場面,主要體驗個流程。另外我都有睇關於仵作嘅劇,去學揸刀手勢同埋點樣處理解剖工具。」

除了學手勢,Celina還要背大量資料:「我劇入面有間中醫館,裏面有個百子櫃。拍之前我有去個中醫館熟習環境,去記低中藥擺喺邊,因為拍嗰時我要非常熟個櫃,另外我都要花時間記啲中藥名,有啲真係好長。」

談到與姚子羚首度合作,Celina坦言初次與對方見面時有點害羞,幸好子羚相當平易近人:「佢好warm,我第一次見到佢已畀佢融化,當時我好怕醜,好想say hi又唔敢,但Elaine(子羚)已經好熱情。大家相處咗三個月,Elaine同子涵真係好似大姐姐咁好照顧我,好有家嘅感覺。」談到最難忘一幕,她透露是今晚針灸場口,皆因她多次幾乎誤拮姚子羚:「因為速度要求好快,但拍嗰個角度又好難睇清楚施針個位,所以好多Take都爭啲針咗落子羚度,我都拍到滿頭大汗。」

(即時娛樂)

相關字詞﹕狀王之王 陳楨怡