馬國明與湯洛雯去年12月在蘇梅島結婚，多次缺席「鐵馬家族」聚會的「大哥」鄭嘉穎，因表示不會出席婚禮，令兩位男士的不和傳聞再被翻炒，及後風波平息。
唐詩詠日前在社交平台上載與林子善、黃嘉樂夫婦向馬國明夫婦拜年時大合照，惟仍然未見鄭嘉穎身影。原來鄭嘉穎與陳凱琳帶囝囝到澳洲旅遊，未知是否仍未回港，還是因其他原因未能參與聚會。
陳凱琳連日來在社交平台貼靚相，當中不乏索爆泳照，身為三子之母的陳凱琳身形弗爆，並曬出腹肌，她寫道：「今次同小朋友去澳洲玩，真係一個好好嘅體驗：mentally, physically and emotionally，其實一早知道冇咁簡單㗎啦﹐因為兩隻馬騮太太太活躍，幸好今次嘅旅程安排得好好，超細心，無論係食物，住宿，同埋豐富嘅節目都超完美﹗
每晚兩個仔都同我哋講，今日好開心呀！做父母嘅都明，就係想小朋友有個難忘嘅回憶，所以再辛苦啲都唔介意，不過都可以唞一唞先再嚟過嘅。」
