婚後事|王敏奕演誘惑戲力度未足 遭監製嫌棄 (13:59)

文章日期:2024年02月23日

羅子溢、陳自瑤、黎諾懿、賴慰玲、羅天宇及王敏奕等主演的新劇《婚後事》下周一(26日)首播,6位主角,潘善仁Tim(羅子溢飾)、張明芯Emma(陳自瑤飾)、呂靜海Mira(王敏奕飾)、呂靜林Gina(賴慰玲飾)、甘誠鈞Davey(黎諾懿飾)及程天暉(羅天宇飾),以6個不同視點為大家揭開同一個故事的不同面貌,6人一起哭過笑過痛過後,齊齊跨越最黑暗邁向光明。無綫官方社交網前晚(21日)發布一系金句圖,包括6位主角的愛情觀懶人包,及善仁與明芯女兒潘悅(鄭沚月飾)看待父母離異的心態,同場還加映眾角色的人設描述。

自人物介紹及劇集宣傳片陸續曝光後,王敏奕的「蛻變」成為焦點,她在劇中的舉手投足及聲線均演活了「致命誘惑」Mira。王敏奕笑指角色與真實的她有很大出入,曾因此被監製林肯嫌棄。她說:「現實世界嘅我唔識做呢啲嘢,所以拍之前有睇某啲戲做吓功課。不過,喺潘善仁視點,我需要更誇張咁去演呢啲嫵媚行為。我記得第一日拍時,監製嫌我做得唔夠好,話我唔識誘惑人。我好喜歡劇本嘅多角度說故事構思,所以我一早知道自己需要演唔同人眼中嘅呂靜海。對一個演員嚟講,今次係好有挑戰性同好有趣嘅Project。多謝監製同編審咁睇得起我,覺得我可以演繹到致命誘惑。」

王敏奕在今日(23日)公開的官方劇照中,在同一場戲中竟有清爽及保守兩種打扮,清楚帶出不同視點下,同一件事的伸延及多樣性。除了同一場戲中的反差,她在整套劇中的前後反差亦相當驚人。經歷了接近20年人生變化的Mira雖然想盡量堅持活得簡單率性,但面對生活上各式各樣難題,她不但失卻昔日的艷光,更變成滿腔不滿的黑面怨婦,有不少爆Seed暴走場面。

賴慰玲在劇中與王敏奕保持既相愛又互相傷害的關係,她表示今次的拍攝過足戲癮:「呢個角色好兩面,表面好風光,但內心好孤獨。一個咁大反差嘅角色,對演員嚟講係具備咗好豐富嘅素材去演。呢個角色真係我從演以來喊得最多,佢嗰種喊仲要係好壓抑嘅,即係好想喊又唔畀自己喊。我覺得好寫實,好多人其實想喊時都會想撳住自己。我亦鍾意劇本多角度嘅講故仔方法,即係我睇我情人可能好壞,但當我情人睇番我時,原來係我促成佢變成我眼中嘅壞人,而第三者睇又可能有另一啲睇法,我覺得寫得好細膩。」

(即時娛樂)

相關字詞﹕賴慰玲 王敏奕 婚後事