不正常愛情研究所|法科師傅分享真‧人鬼情未了恐怖故事 (16:42)

文章日期:2024年02月24日

無綫J2台節目《不正常愛情研究所》前晚(22日)播出的一集,研究「關於我和鬼結婚的那件事」。「有故事的人」請來黃紫恩(Jojo)的師傅,道家六壬法科師傅陳佇銘分享真實版《人鬼情未了》。陳師傅表示冥婚分為「死人配死人」及「生人配死人」兩種︰「內地久唔久有偷屍,最常係偷女屍,好多係嗰仔死咗想搵老婆,偷屍搞冥婚。」他分享一段自身經歷,表示過世多時的堂兄弟報夢給父親表示要結婚。他說︰「佢報夢話搵到合適老婆,講埋地址叫我哋去搵,真係有個女仔走咗,最後喺我屋企做咗成套冥婚儀式。」

陳師傅又講到兩段索命的人鬼情,涉及人鬼冥婚及離婚,令一眾主持們不寒而慄。第一宗的男事主及其女友每晚被女鬼推落牀不能安睡,陳師傅了解後嚇了一跳。他說︰「同女鬼講數,原來男事主爭佢一段姻緣。打仗時男方死咗,女方一直等,直到男方投胎做人到咗今世,女方依然停留喺嗰個時空唔肯走,陰差陽錯碰到今世嘅男事主,講明要攞佢命。」陳師傅最後為雙方辦了一場冥婚,男事主還要跟女方的神主牌睡3晚,陳師傅說︰「男事主位女朋友要認女鬼做『大婆』,仔女都要叫佢『大媽』,件事至解決。」另一單是女事主跟自殺死的丈夫「離婚」斷情緣,陳師傅表示︰「應承幫隻男鬼搵鬼新娘先搞掂。燒女紙紮新娘時,火光中竟出現疑似男事主嘅容貌。」

伍倩彤(Gillian)分享恐怖經歷︰「試過分手後男朋友用後備鎖匙上門,嗰日返到屋企見佢坐喺度,我真係有啲驚,跟住就係嬲。」Gillian事後立刻換鎖,最後更搬屋以策安全。她自言非報復心強的人︰「畀男友欺騙唔會報復,因為報復會好攰,但我會記低佢,扣夠分就叮走。」Jojo有另類方法睇實男朋友會否不忠,她說︰「會留意佢長時間𥄫住、關注嘅女仔社交媒體,一發現佢留言畀人,就會cap圖做記錄。得閒就會睇吓男朋友有無再Like到呢班女仔嘅相。」

(即時娛樂)

 

相關字詞﹕不正常愛情研究所