ViuTV原創劇《飛黃騰達》講述一眾參賽者在投資大賽中備受情義和底線的考驗，有關成長和友情的故事。
黃浚銘（Boris）、黎展峯（Andy）和歐鎮灝（George）被爆經常「搞Gag」，蘇雅琳（Ivy So@COLLAR）笑言完全不能理解：「想去平機會投訴班仔，佢哋成日講嗰啲笑話好無聊又鍾意食字，9成時間都唔係好好笑。最接受唔到Andy嘅Gag，覺得佢心智年齡好似得4歲咁呀﹗」她又開玩笑指他們需要檢討。
面對Ivy So「投訴」，Boris笑言「無當Ivy係女仔」，爆Ivy曾經試過在洗手間門口埋伏嚇他們；Andy表示純粹相處得太融洽，而令Ivy So有感自己被當成男生看待：「我覺得我哋幾個私底下嘅關係好似兄弟咁，相處得好舒服。其實佢唔算麻甩，可能有時我哋傾偈，都會用番男仔語氣同Ivy講嘢，所以佢覺得好似成個氛圍就係得男仔傾偈咁。」
