林峯新歌《無傷大雅》奪冠  推出全新Acoustic合唱版本 (17:09)

文章日期:2024年03月05日

林峯今年推出的單曲《無傷大雅》,剛奪得「Chill Club推介榜」2024年第10周冠軍歌曲,新歌取得不俗的成績當然值得鼓舞,更乘勝追擊推出與吳林峰合唱的acoustic version。

林峯說:「我同吳林峰兩個嘅名,本身已經好有緣分,今次特別邀請佢為我嘅新歌作曲,個旋律我好鍾意。錄完之後仲萌生一齊錄一個acoustic合唱版本念頭。為咗令兩把聲融合得更完美,我特登重新灌錄我嘅部分,出嚟嘅效果好夾,有啲人仲話呢個版本仲好聽過原版。」

這次上《Chill Club》亦是阿峯首次現場演繹《無傷大雅》,他表示歌曲難度很高:「呢首歌真係好難唱,當初喺錄音室錄完都覺得唔夠好,主動向監製提出嚟多個take先覺得滿意,咁先對得住吳林峰嘅曲㗎嘛。今次唱live更加唔敢怠慢,事前特別花時間練聲同練氣。」

林峯將投入拍攝新電影,但亦會繼續出新歌:「過去幾年工作比較專注喺影視方面,今年希望喺音樂投放多少少時間。」

(即時娛樂)

 

相關字詞﹕林峯 無傷大雅 吳林峰